Gürcüstan, Qazaxıstan və Azərbaycanın dəmir yolları üzrə sıx əməkdaşlığı Orta Dəhlizin inkişafına təkan verir.

"Report"un Gürcüstan bürosu xəbər verir ki, bunu ölkənin Baş naziri İrakli Kobaxidze Astanada Qazaxıstanın Baş naziri Oljas Bektenov ilə görüşü zamanı bildirib.

Onun sözlərinə görə, bu əməkdaşlıq Orta Dəhliz layihəsinin həyata keçirilməsinə imkan yaradıb.

İ.Kobaxidze vurğulayıb ki, bu marşrut Çindən Avropaya və əksinə konteyner daşımaları üçün istifadə olunur.

"Gürcüstanın strateji mövqeyi beynəlxalq əlaqələr vasitəsilə Avropa və Asiya arasında rəqəmsal mərkəzə çevrilmə perspektivini gücləndirir", - Baş nazir əlavə edib.