ABŞ digər NATO ölkələrinin Türkiyənin izi ilə gedəcəyindən qorxur.

Axar.az xəbər verir ki, bu sözləri rusiyalı hərbi ekspert Aleksey Leonkov deyib.

“ABŞ Türkiyəni şantaj etmə məsələsində uğursuz olduğu üçün indi də Mark Esper qorxduqlarını bəlli etməməyə çalışır. Əgər NATO üzvü olan bir ölkə Rusiya kimi rəqibdən silah alırsa, ittifaqın digər üzvləri də bu addımı ata bilər. Eyni zamanda ABŞ-ın istehsal etdiyi silahların söyləndiyi kimi təsirli vasitə olmaması barədə məlumat ittifaq daxilində yayıla bilər”, - deyə ekspert bildirib.

Qeyd edək ki, ABŞ Müdafiə naziri Mark Esper Türkiyənin F-35 proqramına təkrarən qəbul edilməsi üçün S-400 alışından imtinanı və bu raketlərin ölkə sərhədləri xaricinə çıxarılmasını şərt olaraq irəli sürmüşdü.