Mövcud situasiyada hansısa danışıqlar prosesinin müsbət nəticələr verəcəyinə inam yoxdur. Ermənistanın indiki rəhbərliyi öz daxili problemlərinə görə Qarabağ münaqişəsinə dair ciddi sülhün əldə ediləcəyini nəzərdə tutan kompamist addımlar atmağa hazır deyil.

Ovqat.com xəbər verir ki, bu fikirləri Teıeqraf.com-a millət vəkili Asim Mollazadə Qarabağ danışıqlarının hazırkı durumu haqda danışarkən deyib.

Onun fikrincə, Ermənistan rəhbərliyi sadəcə oyun oynayır və boş-boş bəyanatlar verirlər.

Asim Mollazadə hesab edir ki, Azərbaycan səbrli davranmalı, dövləti gücləndirməlidir: “Azərbaycan dünyada apardığı işlərini gücləndirməlidir. Qoşulmama Hərəkatının Bakı sammiti keçirildi və 100-dən çox ölkə bir daha Qarabağın Azərbaycan dövlətinin ərazisi olduğuna dair bəyanat verdi. Hesab edirəm ki, Azərbaycan iştirak etdiyi bütün beynəlxalq platformalarda işini və mövqeyini gücləndirərək haqq sözünü deməlidir. Beynəlxalq hüquq bizim tərəfimizdədir”.