Azərbaycan əsgərlərinin Ermənistanla dövlət sərhədimizdə yürütdüyü delimitasiya və demarkasiya çalışmaları, nə yazıq ki, həm xaricdə, həm də daxildə birmənalı qarşılanmır. Avropa İttifaqından tutmuş bir çox Qərb ölkələrinə qədər bir sıra beynəlxalq siyasi qurumlar qərəzli şəkildə erməniləri müdafiə edirlər və xristian təəssübkeşi olan bu qüvvələri hardasa başa düşmək olar. Əsl anlaşılmaz məsələ isə bizim milli qüvvələrin xarici xora züy tutmalarıdır.
 
Məlum olduğu kimi, bir sıra nüfuzlu siyasi liderlər, xaricdə məskunlaşmış jurnalistlər və bloggerlər sərhədçilərimizin böyük çətinliklə, hətta həyatlarını riskə qoyaraq vəzifə borclarını yerinə yetirmələrini açıq şəkildə tənqid atəşinə tutur, bizimkiləri Ermənistan ərazisinə müdaxilə etməkdə günahlandırırlar. Onların iddialarına görə, rəsmi Bakı guya düşmən ərazisində süni gərginlik yaradaraq Ermənistanda Rusiyanın xeyrinə dövlət çevrilişinin hazırlanmasında yer alır. 
 
Bəs doğrudanmı əsgərlərimizin nəzarət altına götürdükləri ərazilər Ermənistana məxsusdur?
 
Azərbaycanlı alim Mirhun İsmayılov ölkəmizlə Ermənistan arasında son zamanlar ortaya çıxan sərhəd mübahisələrinə aydınlıq gətirərək bu suala cavab verir.
 
Ovqat.com alimin “Azadlıq” radiosuna verdiyi açıqlamasını təqdim edir: