Belələrindən biri də ermənipərəst aparıcı Vladimir Solovyovdur. Heç şübhə yoxdur ki,Solovyovun söylədikləri rəsmi orqanların təbliğat planına daxildir. Kreml çox vaxt sözünü nəzarətində saxladığı belə şəxslər vasitəsilə arzularını çatdırır.

“AzPolitika.info” xəbər verir ki, ABŞ-ın “The National İnterest” saytının redaktoru Ceykob Heylbrunla müsahibəsində Vladimir Solovyov Rusiya imperiyasının əvvəlki sərhədləri çərçivəsində bərpa edilməsinin zaman məsələsi olduğunu deyib. Və qeyd edib ki, bu hadisənin baş verməsi dövlətin başında kimin olacağından asılı deyil: “Əmin deyiləm ki, bu, yalnız Vladimir Putinin adı ilə bağldır. Hər şey daha mürəkkəbdir. Əgər siz bizim ölkənin tarixinə baxsanız, görərsiniz ki, Rusiya çox nadir imperiya tipidir. Nəfəs alan imperiyadır. Biz elə bil ki, nəfəs alıb, nəfəs veririk, yəni gah böyüyürük, gah da kiçilirik. Məsələn, 1917-ci ildə biz demək olar ki, mövcud deyildik, çox az bir hissəmiz qalmışdı. Və bu, bizim məktəb xəritələrimizdə qırmızı rənglə boyanmış kiçik vilayət idi. Bunu düşmən meşəsi əhatəsində olan rus ağacı adlandırırdılar. Sonradan bu ərazi böyüyərək nəhəngləşdi, sovet lideri İosif Stalinin rəhbərliyi altında nəhəng imperiyaya çevrildi.

Bu, əslində rus dili, rus mədəniyyəti, rus həyat tərzi, rus ədalət hissi idi. Biz özümüzünkü hesab etdiyimizi gec və ya tez, geri alırıq. Güc tətbiq etmək elə də vacib deyil, əsas olan rus mədəniyyətində mövcud olan birlik ideyası və özünəməxsus rus təhtəlşüurudur”.