Ötən gün Ermənistan parlamentinin müxalifət fraksiyasının “Şərəfim var” fraksiyasının rəhbəri, Ermənistan Milli Təhlükəsizlik Xidmətinin keçmiş direktoru Artur Vanetsyan bildirib ki, ondan başqa Ermənistan dövlət aparatının digər rəsmisi də baş nazir Nikol Paşinyanla Azərbaycan prezidenti İlham Əliyev arasında operativ əlaqəni təmin edib. Lakin Vanetsyan bu məmurun adını çəkməyib. Vanetsyanın sözlərinə görə, 2019-cu ilin əvvəlində Paşinyan bildirib ki, müəyyən məsələlərlə bağlı Azərbaycan tərəfi ilə digər bir məmur  vasitəsi ilə də əlaqə saxlayacaq.

Bu gün isə erməni mediası Nikol Paşinyanla İlham Əliyev arasında ikinci danışıqların Ermənistan hökuməti aparatının Xarici Əlaqələr Departamentinin rəhbəri Qraçya Taşyan olduğunu yazıb.

“ANI” Erməni Araşdırma Mərkəzi yazır ki, Artur Vanetsyan azərbaycanlı həmkarı ilə görüşübsə, Taşyan WhatsApp vasitəsilə Azərbaycan prezidentinin köməkçisi Hikmət Hacıyevlə əlaqə saxlayıb.

Bildirilir ki, Qraçya Taşyan – kadr diplomatıdır. 2009-cu ildən Xarici İşlər Nazirliyində bir sıra yüksək vəzifələrdə çalışıb, o cümlədən NATO departamentinin rəhbəri, Ermənistanın ABŞ-dakı nümayəndəsi, 2009-cu ildən isə Nazirlər kabinetinin Xarici əlaqələr departamentinin rəhbəri olub.

virtualaz.org