İsrail ordusu son həftələrdə ABŞ və Rusiya ilə razılaşma əsasında hərəkət edərək İranın İraqdakı  raket-silah anbarlarına üç dəfə hücum edib. 

Moderator.az xəbər verir ki, bu haqda Londonda çıxan “Əl-Şərq əl-Aysat” adlı ərəb qəzeti 21 avqustda Qərb diplomatik mənbələrinə istinadla  yazıb. Nəşrin iddiasına görə, bu, İsrailin İraq və Suriyadakı təhlükəsizliyini təmin edəcək bir razılaşmadır.

Məqalədə  19 iyul, 12 və 20 avqust tarixlərində İraqdakı hədəflərə edilən hücumlardan bəhs edilir.  “Əl-Şərq əl-Aysat” qeyd edir ki, İsrailin Baş naziri Benyamin Netanyahu, bu yaxınlarda ölkəsinin İraqdakı hədəflərə hücumlarının arxasında olduğunu söyləyib: 

"İranın heç bir yerdə toxunulmazlığı yoxdur. Harada gərəkdirsə, onlara qarşı hərəkət edəcəyik...”