Malayziya hökuməti Çinin Sincan bölgəsində uyğur türklərinə tətbiq olunan təzyiq siyasəti ilə bağlı araşdırma aparacaq.

Axar.az xəbər verir ki, bu barədə Malayziya Xarici İşlər naziri Seyfəddin Abdullah deyib.

O bildirib ki, bölgədə uyğur türklərinə zülm edilməsi iddialarını araşdırmaq üçün hökumət Beynəlxalq İslami Düşüncə və Mədəniyyət İnstitutuna tapşırıq verib:

“Malayziya bu məsələdə nə Çin hökumətindən gələn hesabatları kor-koranə təsdiqləyəcək, nə də açıq şəkildə Çini tənqid edəcək. Biz orada yaşananlarla bağlı iddiaların gerçək olmasından əmin olmaq istəyirik”.