Rusiya ilə NATO arasındakı gərginlik hərbi təlimlər səviyyəsində davam edir.

Axar.az xəbər verir ki, bu barədə “Breaking Defence” məlumat yayıb.

Bildirilir ki, NATO-ya üzv ölkələrin hərbçiləri dünyanın müxtəlif bölgələrində ehtimal olunan Rusiya təhdidinə qarşı hazırlıq keçir.
Təlimlər əsasən Atlantik okeanı üzərindən Avropa və Qara dənizi əhatə edən bölgələrdə keçirilir.

Təlimlər çərçivəsində ABŞ-ın NATO-ya üzv ölkələri antirusiya müdaxiləsinə qarşı qorumaq üçün Estoniya, Latviya, Litva və Polşaya həm qoşun, həm də hərbi texnika göndərdiyi vurğulanır.

NATO rəsmiləri 20 ölkədən təxminən 9 min hərbçinin qatıldığı hərbi təlimlərin konkret olaraq Rusiyaya yönəlmədiyini israr etsələr də, təlimlər rus gəmilərinin sərbəst hərəkətinə əngəl törədildiyi Qara dənizdə keçirilir.