Ukrayna Prezidenti Vladimir Zelenski ABŞ prezidenti Cozef Baydenlə telefonla danışıb.

"Report" bu barədə “RBC-Ukrayna”ya istinadən xəbər verir.

Liderlər arasında söhbət bir saat davam edib.

"Mən döyüş meydanında və danışıqlar masasında vəziyyətlə bağlı qiymətləndirməmi bölüşdüm. Biz konkret müdafiə dəstəyi, gücləndirilmiş sanksiyaların yeni paketi, makromaliyyə və humanitar yardım haqqında danışdıq", - Prezident yazıb.

19:06
ABŞ Prezidenti Cozef Bayden bu gün ukraynalı həmkatrı Volodimir Zelenskiyə zəng edəcək.

“Report” “RİA Novosti”yə istinadən xəbər verir ki, bu barədə Ağ Evə yaxın jurnalistlər ABŞ administrasiyasının nümayəndəsinə istinadən məlumat yayıb.

“Prezident Bayden Ukraynaya davam edən dəstəyimizi müzakirə etmək üçün bu gün Şərq Sahili vaxtı (EST) ilə saat 10:45-də Ukrayna Prezidenti Zelenski ilə danışacaq”, - mənbə bildirib.