İŞİD üzvləri terror təşkilatının lideri Əbubəkr əl-Bağdadinin öldüyünü təsdiq ediblər.

Publika.az Türkiyənin “Hürriyyət” nəşrinə istinadən xəbər verir ki, bu haqda İraqın “El Sumaria” telekanalı bildirb.

Telekanalın adını açıqlamadığı bir mənbəyə istinadən verdiyi xəbərə görə, İŞİD Bağdadinin öldüyünü təsdiqləyib. Mənbə qeyd edib ki, İŞİD üzvləri Bağdadinin ölümünü və yeni “xəlifə”nin adını açıqlayıblar.

Xatırladaq ki, Rusiya hərbi aviasiyası mayın 28-də Suriyanın Rakka şəhərinin yaxınlığında İŞİD liderlərinin müşavirəsinin keçirildiyi qərargahı bombalayıb. Rusiya Müdafiə Nazirliyinin məlumatına görə, İŞİD-in 30 səhra komandiri və onların 300-ə qədər köməkçisi məhv edilib. Onların arasında Bağdadinin də olduğu ehtimal edilir.