Rusiya yeni “Strateji Hücum Silahlarının azaldılması Müqaviləsi” (START) müqaviləsinə qayıtmayacaq.

APA "Reuters"ə istinadən xəbər verir ki, bu barədə Rusiyanın xarici işlər nazirinin müavini Sergey Ryabkov deyib.

"ABŞ davranışını dəyişməyənə qədər, onların Ukrayna ilə bağlı hərəkətlərində sağlam düşüncə görməyənə qədər, yeni START-ın dayandırılması qərarının nəzərdən keçirilməsi üçün heç bir şans görmürük", - Ryabkov bildirib.

Qeyd edək ki, 2010-cu ildə o vaxtkı prezidentlər Dmitri Medvedev və Barak Obama tərəfindən imzalanan bu müqavilə strateji nüvə başlıqlarının sayını məhdudlaşdırır. Bunun əsasını qarşılıqlı yoxlamalar və məlumat mübadiləsi sistemi təşkil edirdi.