Taliban hökuməti İranla sərhədə terrorçu-kamikadzelər və yüzlərlə hərbi texnika göndərib.

Axar.az xəbər verir ki, bu barədə "Blumberq" məlumat yayıb.

“Tehran və Kabil arasında diplomatik təmaslara baxmayaraq, Taliban İbrahim Rəisinin hədəsindən sonra İranla müharibəyə hazırlaşır. Talibanla İran arasında mümkün hərbi gərginliyin nəticələri regionda sabitliyə zərər verəcək”, - məlumatda qeyd olunub.

Qeyd edək ki, mayın 18-də İran Prezidenti İbrahim Rəisi Taliban hökumətinin bu ölkədəki Hirmənd çayının axınını dəyişdiyini, su anbarında İrana məxsus su payını vermədiyini iddia edərək Talibana xəbərdarlıq etmişdi.