İsrailin Baş naziri Benyamin Netanyahu ölkənin müdafiə nazirini dəyişdirmək və siyasi koalisiya daxilində nazir postlarını yenidən bölüşdürmək imkanını nəzərdən keçirir.

Bu barədə Musavat.com İsrail mediasına istinadən xəbər verir.

Bildirilir ki, buna səbəb Netanyahu ilə hazırkı müdafiə naziri Yoav Qalant arasında fikir ayrılıqlarının kəskinləşməsidir. Ona görə də "Likud" partiyası daxilində onun mümkün əvəzlənməsi yenidən müzakirə olunmağa başlayıb.

Bundan başqa, İsrailin Baş naziri Silahlı Qüvvələrin Baş Qərargah rəisi Herz Halevini və Baş Təhlükəsizlik Xidmətinin (Şin Bet əks-kəşfiyyat agentliyi) rəhbəri Ronen Barı da istefaya göndərməyi planlaşdırır.