Rusiyada güclü külək nəticəsində 12 rayon elektrik enerjisiz qalıb.

Publika.az xəbər verir ki, Rusiyanın Fövqəladə Hallar Nazirliyinin yaydığı xəbərə görə, qeyri-sabit hava şəraiti səbəbindən Rusiyanın Kirov, Nijeqorod,Vladimir şəhərləri də daxil olmaqla 13,7 min sakin işıqsız qalıb.

Məlumata görə, güclü külək 8 rayonda 150 ağacı yerindən çıxarıb. Yol kənarında saxlanılan 8 avtomobil yararsız hala düşüb. Qeyd edək ki, ötən gündən başlayan aramsız yağışlarla müşahidə edilən güclü küləyin sürəti saatda 25 metrə çatır.

Hadisə nəticəsində 2-si uşaq olmaqla 15 nəfər xəsarət alıb.

Elektrik enerjisinin bərpasına başlanılıb. Yaranan problemin gün ərzində aradan qaldırılacağı deyilib.

Rusiyada qasırğa ilə əlaqədar 12 rayonda fövqaladə vəziyyət elan edilib.