Ağdaş rayonunda baş verən qəzada 4 nəfər xəsarət alıb.

Hadisə rayonun Ləki qəsəbəsində qeydə alınıb.

Belə ki, "VAZ-2106" markalı minik avtomobilinin sürücüsü idarəetməni itirərək yol kənarında olan maneəyə çırpılıb.

Qəza nəticəsində 1967-ci il təvəllüdlü Abışov Muxtar Qaçay oğlu, 1971-ci il təvəllüdlü Şahbazov Şəmsəddin Hüseyn oğlu, 1972-ci il təvəllüdlü Hüseyinov Muradxan İsa oğlu və 1968-ci il təvəllüdlü Yusubov Etibar Qədir oğlu ağır xəsarətlər alıblar.

Yaralılar Ağdaş rayon mərkəzi xəstəxanasına çatdırılıblar.

Vəziyyətlərinin orta-ağır olduğu bildirilir.

Faktla bağlı araşdırma aparılır. \\Qafqazinfo