İran Əfqanıstandan gələn qaçqınları qəbul etməyə hazırlaşır.

Axar.az xəbər verir ki, bunu İranın Sərhəd Xidmətinin nümayəndəsi Hüseyn Qasemi bildirib. O qeyd edib ki, əfqan qaçqınları Rezavi Xorasan, Cənubi Xorasan və Sistan-Bəlucistan vilayətlərində yerləşdiriləcək. Artıq qaçqınlar üçün çadır şəhərcikləri də hazırlanıb.

Koronavirusun yayılmasının qarşısını almaq məqsədilə qaçqınların yerləşdirilməsi zamanı tibbi protokollara ciddi əməl olunacaq.

H. Qasemi bildirib ki, Taliban silahlıları Əfqanıstana nəzarət etməyə başladıqdan sonra qaçqınların İrana üz tutacağı gözlənilən idi. Bu səbəbdən də onların yerləşdirilməsi üçün əvvəlcədən yerlər nəzərdə tutulub.