Xəbər lenti

 

“Qurban Qurbanov “Qarabağ” futbol klubunda müəyyən müqavilə əsasında fəaliyyət göstərir və bu klubda fəaliyyətini davam etdirməkdə maraqlıdır. Qurban Qurbanovun Moskvanın “Spartak” klubunun baş məşqçisi olacağı iddialarına kütləvi informasiya vasitələrindən məlumatlanmışıq. Bu barədə “Spartak”dan “Qarabağ” futbol klubuna heç bir rəsmi müraciət daxil olmayıb”.

Bu sözləri Teleqraf.com-a açıqlamasında “Qarabağ” futbol klubunun mətbuat xidmətinin rəhbəri Nurlan İbrahimov Qurban Qurbanova Moskvanın “Spartak” klubundan baş məşqçi təklifi gəlməsi iddialarına münasibət bildirərkən deyib.

Nurlan İbrahimovun sözlərinə görə, “Qarabağ” futbol klubunun baş məşqçisi Qurban Qurbanovun adının xarici ölkələrin güclü komandalarının adında çəkilməsi normaldır:

“Lakin bizim klubu bu barədə hər hansı rəsmi müraciət daxil olmadığından əsaslı fikir söyləyə bilmərik”.

Qeyd edək ki, Moskvanın “Spartak” klubu baş məşqçi Oleq Kononovu istefaya göndərib. Azərbaycan mediasında yayılan məlumata görə, klubdan Qurban Qurbanova baş məşqçi olmaq təklifi olunub.




Ana səhifəyə qayıt        Baxış: 438          Tarix: 5-10-2019, 14:18      

Xəbəri paylaş


Paylaş:   

Prizma