2018-ci ildə qlobal neft tələbində artım 2017-ci illə müqayisədə yavaşlayacaq. 

"Report" "Bloomberg" agentliyinə istinadən xəbər verir ki, bu açıqlamanı Beynəlxalq Energetika Agentliyinin (IEA) Neft Bazarları sektoru Departamentinin rəhbəri Neyl Atkinson (Neil Atkinson) bildirib.

ABŞ-da neft hasilatının 2018-ci ildə 1 mln. barel/gün artacağını ehtimal edən Atkinson OPEC xaricində neft hasilatının ümumilikdə 1,7 mln. barel/gün yüksələcəyini proqnozlaşdırdığını qeyd edib. Atkinson ilk rübdə neft bazarında təklifin tələbi üstələyəcəyini, ilin qalan hissəsində isə bazarda kiçik həcmdə kəsir olacağını bildirib.

IEA ilin sonuna qədər OPEC+ anlaşmasının davam edəcəyini və hasilatın məhdudlaşdırılacağını ehtimal edir.