Amerikanın Rogers şəhərində nahat yeməyinə gedən David və Şeyla Harrinson cütlüyü ofisanta 2019-cu il model maşın hədiyyə ediblər.

Ovqat.com xarici mətbuata istinadən xəbər verir ki, maşının dəyəri 24 min dollardan baha imiş.

Ofisantın bildirdiyinə görə, cütlük nahar etdikdən sonra masaya restoranın müdirini çağırırlar. Müdirə şikayətləri olduğunu düşünən ofisant həyəcandan ödünü udur. Çünki müdir çox tələbkar biriymiş. Az keçməmiş ofisant da masaya dəvət edilir. İş həyatının sonlandığını düşünən ofisant nə günahın sahibi olduğunu anlamadan onlara yaxınlaşır. Ofisanta yanlarında oturmaq üçün yer göstərən cütlük gözlənilməz sürprizi edir. Yenicə zavoddan çıxmış maşının açarı ofisanta uzadılanda, o, bəxşiş qəbul etmədiyini deyib geri çəkilir. Harrinson cütlüyü isə bunun bəxşiş deyil, hədiyyə olduğunu bildirərək Tanrının onları bu xeyirxahlığa yönləndirdiyini deyirlər. Sonunda hədiyyəni almaqla razılaşan ofisant heç ummadığı halda maşın sahibi olur.

Ofisant cütlüyə uzun illərdən bəri xidmət edirmiş.