“Amerikalılar Suriyaya təkrar hücum edərlərsə, bunun bədəlini ağır ödəyəcəklər".
Ovqat.com xəbər verir ki, okeanın o tayına barmaq silkələyən bu sözləri İranın Müdafiə naziri Hüseyn Dehkan dilə gətirib.
İranın rəsmi xəbər agentliyi İRNA-nın məlumatına görə, Müdafiə naziri öz rus həmkarı Sergey Şoyguyla dünən telefonla danışıb. Nazirlər ABŞ-ın Suriyadakı Bəşər Əsəd rejiminə aid aerobazasını vurmasını müzakirə ediblər.
Telefonla söhbətində ABŞ-ın beynəlxalq qanunlara zidd davrandığını dilə gətirən Dehkan ABŞ rəsmilərinə “hücumlarının cavabsız qalmayacağını bilmələrini” tövsiyə edib.
Ağayi Dehkanın ABŞ-a tövsiyəsini niyə rusiyalı həmkarına edib; bax, əsl anlaşılmayan xüsus budur.