İki gün əvvəl Türkiyənin İraq sərhəddində, içərisində 23-cü Sərhəd Diviziya komandiri general Aydoğan Aydının və bir neçə yüksəkrütbəli zabitin də olduğu vertolyot qəzasının məsuliyyətini PKK-nın Suriya qanadı HPG boynuna götürüb.

Ovqat.com xəbər verir ki, təşkilat 13 Türk hərbi qulluqçusunun şəhid olduğu hadisənin qəza olmadığını, vertolyotun onlar tərəfindən vurulduğunu iddia edib.

Qeyd edək ki, Türkiyə Silahlı Qüvvələri ilkin məlumatında vertolyotun yüksəkgərginlikli elektrik dirəyiylə toqquşaraq qəzaya uğradığını, amma bu xəbərin dəqiq olmadığını da, əsl səbəbin araşdırıldığını bildirmişdi.

HPG-nin yaydığı məlumata, hələ ki, rəsmi münasibət bildirilməyib.