Son zamanlar Rusiyada ciddi siyasi islahatlar keçirilir. Bir tərəfdən hökumət istefaya göndərilir və yeni kabinet formalaşdırılır, digər tərəfdən isə ölkənin qanunvericiliyində mühüm dəyişikliklər edilir. Ölkə başçısı Vladimir Putin Böyük Vətən müharibəsi veteranları ilə görüşündə ömürlük hakimiyyət təkliflərini geri çevirərək sovet idarəçilik sistemindən uzaqlaşmağı Rusiyanın gələcəyi üçün daha məqbul sayır. Bir sözlə, şimal qonşumuzda baş verən bir çox proseslər ölkənin demokratikləşmə pespektivindən xəbər verir.

Bəs, bu pespektivlər nə dərəcədə ciddidir və Azərbaycanın da daxil olduğu possovet məkanı üçün necə bir gələcək vədd edir?

Azərbaycan Atlantik Əməkdaşlıq Assosiasiyasının rəhbəri Sülhəddin Əkbərin tanınmış jurnalist, Azərbaycan Mətbuat Şurası İdarə Heyətinin üzvü Tapdıq Abbasa verdiyi müsahibədə bu və bənzər suallara aydınlıq gətirilir. Müsahibəni Ovqat.com oxucularına təqdim edirik: