Xəbər lenti

 

Özbəkistandakı Heydər Əliyev adına Azərbaycan Mədəniyyət Mərkəzi “Qarabağ: Azərbaycan mədəniyyətinin beşiyi” adlı mədəniyyət layihəsi çərçivəsində “Hər anımız Vətən desin!” adlı şeir müsabiqəsi elan edib.

Mərkəzdən Ovqat.com-a verilən məlumata görə, müsabiqə çərçivəsində hər iki ölkənin şairlərinin və həvəskar şeirsevərlərin Qarabağa həsr etdikləri ən maraqlı və gözəl şeirlərinin, poemalarının seçilməsi, habelə onların toplu halında nəşri planlaşdırılır.

Müsabiqəyə əsasən Azərbaycan və Özbəkistan ədəbiyyatının nümayəndələrinin Vətənə və torpağa məhəbbət, tarixi dostluğumuz, həmrəyliyimiz, Azərbaycan mədəniyyətinin mərkəzi olan Qarabağ, onun tarixi, abidələri, Azərbaycan xalqının Qarabağda yaratdığı böyük mədəniyyət, adət-ənənələr, islam irsi, tanınmış qarabağlılar, ədəbiyyatımıza və muğam sənətinə bölgənin verdiyi töhvələr, bölgənin gözəl və füsunkar təbiəti, Vətən torpaqlarının azadlığı, zülmə və həsrətə son, aprel zəfəri, çiçəklənən Azərbaycan, həqiqətin zəfərinə və işıqlı gələcəyə inam mövzularını əhatə edən əsərlərə, şeirlərə, poemalara üstünlük veriləcəkdir.  

Müsabiqə  təqdim olunacaq əsərlərin cari ilin 1 mart tarixindən – 15 sentyabr tarixinədək Özbəkistandakı Heydər Əliyev adına Azərbaycan Mədəniyyət Mərkəzinin elektron poçtuna ([email protected]) elektron formada göndərilməsi xahiş olunur.

Müsabiqəyə təqdim olunan materiallar:

  1. Şeir və poema (nəzm formasında).
  2. Müəllifin pasportunun surəti (elektron formada).
  3. Müəllif haqqında qısa məlumat.

Toplanan əsərlər sonda vahid bir nəşrdə cəm edilərək hər iki dilə tərcümə olunacaq, kitab halında yayımlanacaqdır.

Müsabiqənin yekununda iki ölkədən ən dəyərli 3 əsərə (ümumilikdə 6 nəfər) Azərbaycan Mədəniyyət Mərkəzinin diplom və pul mükafatları təqdim ediləcəkdir.

Qalib şeirlərin hər iki ölkənin mətbuatında yayılması təmin ediləcəkdir.

Yekunda Azərbaycan Mədəniyyət Mərkəzi tərəfindən “Hər anımız vətən desin” adlı təntənəli poeziya axşamının keçirilməsi də nəzərdə tutulub.


      Əlaqə telefonu: +99871 293 53 56

Email: [email protected]
      Veb-sayt: http://azculture.uz




Ana səhifəyə qayıt        Baxış: 1 228          Tarix: 17-02-2020, 18:16      

Xəbəri paylaş


Paylaş:   

Prizma