Dünya neft bazarında qiymətlər təxminən 2 dollarlıq fərq tərəddüdündədir.
 
Ovqat.com-un məlumatına görə, hazırda Londonun ICE birjasında bir barrel Brent markalı neftin fyuçers qiyməti 32.18 ABŞ dollarına qədər artsa da, yenidən ucuzlaşaraq, 30.57 dollara qədər enib. Hazırda “Brent” 30.85 dollara satılır.
 
Nyu York əmtəə birjasında da (NYMEX) rəqsvari hərəkət müşahidə olunub. Birjada bir barrel WTI markalı neftin fyuçers qiyməti 26.08 ABŞ dollarına qədər artsa da, sonradan 24.05 dollara qədər enib. WTI hazırda 24.51 $/b-ə təklif edilir.
 
Qeyd edək ki, neft qiymətləri ötən günü daha yüksək qiymətlərlə tamamlamışdı: WTI markalı neft - 25,58 $/b; Brent - 31,62 $/b.