"Biz koronavirusu məğlub etmək üçün əlimizdən gələni etdik, amma reallıq budur ki, o, ABŞ  xalqını diz üstə çökdürdü”.
 
Ovqat.com xəbər verir ki, ABŞ-ın ən mühüm səhiyyə ocaqlarından sayılan İnfeksion Xəstəliklərin İdarəedilməsi və Profilaktikası Mərkəzinin direktoru Robert Redfield ölkə Konqresinə ifadə verərkən belə deyib.
 
Ölkədə koronavirusla aparılan mübarizəyə aydınlıq gətirmək üçün ABŞ Konqresinə hesabat verməyə çağırılan baş infeksionist hökumətdən kifayət qədər maliyyə dəstəyi ala bilməməkdən gileylənib və effektli mübarizə üçün tələb olunan məbləği açıqlayıb – 7 trilyon dollar.
 
"Biz, ABŞ olaraq, əlimizdən gələni etdik və imkan daxilində epidemiya ilə mübarizə etdik, lakin həmişə tənqid edən kimsə olacaq. Biz yəqin ki, bu kiçik virusa 7 trilyon dollar sərf edəcəyik”,- Redfield belə deyib.