NATO-nun Brüsseldəki qərargahında Ukraynaya hərbi yardım məsələsi ilə bağlı keçirilən görüşdən sonra mətbuata açıqlama verən Polşanın Milli Müdafiə naziri Mariuş Blaşçak gələn ay Kiyevə Leopard tankları verəcəklərini bildirib.

Ovqat.com-un məlumatına görə, nazir Ukrayna əsgərlərinin hazırda Leopard tanklarını idarə etmək üçün Polşada təlim keçdiklərini də vurğulayıb.

"Eyni zamanda Polşa ordusunu gücləndiririk və müasir texnika ilə təchiz edirik", - nazir əlavə edib.

Polşanın Ukraynaya dəstəyini davam etdirəcəyini vurğulayan Blaşçak deyib ki, Leopard tanklarının Ukraynaya çatdırılması ilə bağlı koalisiyaya yeni ölkələr də qatılacaq.