ABŞ və körfəz ölkələri arasında terrorun maliyyələşdirilməsinə maneə olmaq məqsədiylə "pul nəqlinə nəzarət mərkəzi” yaradılıb.

Ovqat.com xəbər verir ki, bununla bağlı müqaviləyə körfəz ölkələri adından Səudiyyə Ərəbistanı vəliəhdi və Daxili İşləri nazir Məhəmməd bin Nayif , ABŞ tərəfindən isə dövlət katibi Reks Tillerson imza atıb.

Paytaxt Riyadda Kral Əbdüləziz Beynəlxalq Sərgi və Konqres Mərkəzində ABŞ- Körfəz Ölkələri Zirvəsindən əvvəl keçirilən mərasimdə müqavilənin subyekti olan ölkə liderlərinin xeyir-duasıyla imzalanan sənəddə Yaxın Şərq və Şimali Afrika ölkələrindəki pul transferləri nəzarət altına alınaraq, terrora dəstək verən fiziki və hüquqi şəxslərin zərərsizləşdirilməsi hədəflənir.