İsrailin Mədəniyyət və idman naziri Miri Regev ölkədəki seçkilərlə bağlı sensasiyalı açıqlama ilə çıxış edib.

Teleqraf.com xəbər verir ki, Miri Regev Radio 103-ün “İsrail Evimiz” partiyasının lideri Aviqdor Libermanın növbəti baş nazir təyinatında həlledici amil olub-olmaması ilə bağlı sualına qeyri-adi cavab verib.

“İsrailin növbəti baş naziri xalq deyil, tanrı tərəfindən təyin olunacaq”, - deyə nazir söyləyib.

Qeyd edək ki, İsraildə sentyabrın 17-də yenidən seçki keçirilməsi barədə qərar verilib. Bu İsrail tarixində ilk təkrar parlament seçkiləri olacaq.