Qətər böhranı, Tehran teraktları, İraq kürdlərinin müstəqillik barədə referendum məsələsi Yaxın Şərqdə yeni prosesin başlanğıcı olmayacaq.

Axar.az xəbər verir ki, bunu mediaya müsahibəsində rusiyalı politoloq Yevgeni Satanovski söyləyib.

“Heç bir ümumi proses yoxdur. Hər kəs bir-biriylə vuruşur. Mən hansısa ümumi dinamikaya inanmıram. Bu gün Yaxın Şərqdə bütün dövrlər ərzində baş verənlər təkrarlanır. İranlılar səudiyyəlilərlə yarışırlar, ərəb dünyasının daxilində mübahisələr var, hamı bir-biriylə döyüşür. Belə olub və bundan sonra da belə qalacaq.

Tehranda baş verən teraktların arxasında Səudiyyə Ərəbistanı dayanır. Bu böyük ehtimalla Səudiyyə xüsusi xidmət orqanlarının növbəti əyləncə vasitəsidir”, – deyə o bildirib.