Türkiyədə artıq 8-ci gündür davam edən meşə yanğınlarını söndürmək imkansız hala gəlib. Bir çox yerlərdə nəzarət altına alınan yanğınlar küləklərin təsiri ilə yenidən alovlanmağa başlayır.
 
Ovqat.com-un məlumatına görə, dünən ən təhlükəli vəziyyət Muğla vilayətinin Milas rayonunda yaşanıb. 
 
Alovların artıq Kəmərköy adlı qəsəbədəki İstilik Elektrik Stansiyasını ağuşuna aldığı xəbər verilir. Türkiyə yetkililəri əvvəlcədən proflaktik təbdirlər görərək stansiyadakı təhlükəli maddələri çölə çıxartdıqlarını və partlama riskini azaltdıqlarını bildirsələr də, təhlükə tam sovuşmuş deyil. 
 
Məlumata görə, İES-nın işçiləri təxliyyə olunaraq yaxınlıqda bulunan hərbi gəmilərdən birinin göyərtəsinə alınıblar. Stansiyada insan itkisi sıfıra endirilsə də, yanğına tərk olunan meşənin flora və faunasından ümid kəsilib.