Tehranda Rusiya ilə birlikdə “Əfqanıstanın qonşuları"nın xarici işlər nazirlərinin zirvə görüşü öz işinə başlayıb.
 
Ovqat.com-un məlumatına görə, iclasa İran, Türkmənistan, Tacikistan və Özbəkistanın xarici işlər nazirləri, eləcə də Rusiya və Çinin Tehrandakı səfirləri qatılıblar.
 
Bir müddət sonra keçiriləcək ikinci toplantıda isə Rusiya və Çinin xarici işlər nazirlərinin videokonfrans formatında iştirak edəcəyi gözlənilir. Həmin toplantıda İranın vitse-prezidenti Məhəmməd Müxbir də çıxış edəcək.
 
"Taliban" bir neçə gün əvvəl yaydığı bəyanatda iclasda iştirak etməyəcəyini açıqlamışdı.