İranın Xarici İşlər naziri Səid Abdullahyan xəstə olduğunu təsdiqləyib.
 
Ovqat.com-un məlumatına görə, İran media orqanlarına açıqlama verən nazir bildirib:
 
 “Son günlər ürəyimdə işemik xəstəliyi olduğundan, həkimlərin məsləhəti ilə karantinə çəkilmişəm. Lakin bu, diplomatik fəaliyyətimin və İran xalqının hüquqlarını təmin etmək səylərimin dayanması anlamına gəlmir. Son bir neçə gündə həmkarlarımla, o cümlədən Rusiya, Çin, Azərbaycan, İraq, Suriya, İngiltərə, Türkiyə və Almaniyanın xarici işlər nazirləri ilə telefon danışıqlarım olub”.
 
Əmir Abdullahyanın bu səmimi “etirafları” onun fəaliyyətindən İran rəsmi dairələrində narazılıqların yarandığından xəbər verir.
 
Bir müddət əvvəl Abdullahyanın koronavirusa yoluxduğu barədə məlumatlar yayılmışdı.
 
Görünən budur ki, İranda indiki postuna təyin olunduğu zaman rəsmi Bakıya xox gələn və Azərbaycanla döyüşmək üçün dəstək almağa getdiyi Moskvadan əli boş qayıdan Abdullahyanı istefaya göndərməyə hazırlaşırlar. Tehranın əsas dəlili isə onun xəstəliyidir. Xəstə olsa belə, işgüzarlıq qabiliyyətini itirmədiyini təsdiqləməyə çalışan Abdullahyan da məhz bu səbəbdən telefonun dəstəyinə sarılıb, ora-bura zəng edir. Eynilə 44 günlük müharibədə “minillik qardaşı” Paşinyan kimi. 
 
Paşinyanın telefon diplomatiyası (teplomatiya) deyəsən xəstəliyə çevrilib bütün ermənitərəfdaşlarına yoluxub.