Başda ABŞ-da yerləşən texnologiya şirkətləri olmaqla bir çox ölkənin texnoloji sanksiyalarına məruz qalan Rusiya martın 11-də xarici dünya ilə internet bağlantısını tamamilə bağlaya bilər. 

Ovqat.com-un məlumatına görə, Rusiya Rəqəmsal İnkişaf, Rabitə və Kütləvi İnformasiya Vasitələri Nazirliyinin 5 mart 2022-ci il tarixli elanında rus saytlarından RuNet ilə rus domen adlarına (.ru uzantılı ünvanlar) keçid tələb olunub. 

Bu saytlardan serverlərini də  Rusiyaya köçürmək istənilib və  yalnız Rusiya DNS-lərindən istifadə olunması diqqətə çatdırılıb . 

Açıqlamada sözügedən addımların 11 Mart tarixinə qədər atılması nəzərdə tutulub. 

Bəyanatda həmçinin xarici mənbələrdən Rusiya saytlarına endirilən şablon və kodların silinməsi tələb olunub.