Ermənistanın baş naziri Nikol Paşinyan “Mülki müqavilə” partiyasının İdarə Heyətinin iclasında hüquq-mühafizə orqanlarında baş alıb gedən korrupsiya faktları haqqında danışıb.

Musavat.com erməni mediasına istinadən xəbər verir ki, bu barədə yerli “Joxovurd” qəzeti məlumat yayıb.

Qəzetin informasiyasına əsasən, Paşinyan COVID-19 dövrü ilə bağlı ifşalardan, hökumət daxilində məmurların korrupsiya əməliyyatları ilə bağlı tutulmalardan bəhs edib.

Erməni mediası son günlərdə İrəvanın vitse-meri, səhiyyə nazirinin keçmiş müavini Gevork Simonyan, habelə Ermənistanın keçmiş səhiyyə naziri Arsen Torosyanla bağlı qalmaqallara diqqət çəkib.

Paşinyanın məlum iclasda Torosyanı bağışlamayacağı dediyi iddia olunur.