“Xarici ölkələr Gürcüstanda “Xarici agentlər haqqında" Qanuna qarşı keçirilən etiraz aksiyalarında təxribatları maliyyələşdirir. Bu planlara xaricdəki Gürcüstan vətəndaşları, xüsusən də Ukraynada döyüşən və gəlib polisə qarşı zorakılıqda iştirak etməyə hazır olan bəzi şəxslər cəlb ediliblər”.

Bu barədə Gürcüstan Dövlət Təhlükəsizlik Xidmətinin (DTX) bəyanatında qeyd edilib.

“Aksiyaların təşkilatçıları xüsusi təyinatlılar və polisə hücum etməyi, gənclərə tez alışan maddələr, daş və dəmir dəyənək gətirməyi tapşırırlar. Planın bir hissəsi olaraq aksiyaların təşkilatçıları Tbilisi nəqliyyat qovşaqlarının iflic vəziyyətinə düşməsini, dövlət qurumlarının və strateji obyektlərin bağlanmasını nəzərdə tuturlar”, - deyə bəyanatda bildirilib.

Bəyanata görə, təşkilatçılar üçün arzuolunandır ki, etirazlar insan tələfatına səbəb olsun, çünki bu, onların fikrincə, etiraz ittihamını və radikallığı artıracaq.

Mənbə: ura.news