“2022-ci ilin fevralında Ukraynada hərbi əməliyyatların başlamasından 2024-cü ilin birinci yarısının sonuna qədər 57 ölkədən 494 şirkət Rusiya ilə əlaqələrinə görə ABŞ-nin ikinci dərəcəli sanksiyalarına məruz qalıb”.

Ordu.az xəbər verir ki, bunu Rusiya Beynəlxalq Münasibətlər Şurasının direktoru İvan Timofeyev deyib.

Onun sözlərinə görə, əsas səbəb elektronika və sənaye mallarının tədarükü, eləcə də onsuz da sanksiyalar altında olan insanlara onlardan yan keçməyə kömək etməkdir.

Timofeyev bildirib ki, Qırğızıstanda 10, Moldovada 8, Belarusda 7, Qazaxıstanda 4, Ermənistanda 3, Gürcüstanda 1 və Tacikistanda 1 şirkət belə məhdudiyyətlərə məruz qalıb.