Məşhur ispan rəssam Pablo Pikassonun Fransada son illərini keçirdiyi evi 20,2 milyon dollara satılıb.

“Qafqazinfo” TRT-yə istinadən xəbər verir ki, rəssamın hərraca qoyulan evini Rayo Uitanac adlı Yeni Zelandiyalı iş adamı alıb.

R.Uitanac iyun ayında hərracda evi satın almağa haqq qazanmış, ancaq lazım olan pulu verə bilmədiyi üçün ev ona təhvil verilməmişdi. Yaxınlarda Qrass şəhərində evin pulunu tam verdikdən Pikassonun evini almağa nail olub.

Qeyd edək ki, 91 yaşında vəfat etmiş Pikasso 1961-ci ildə bu evi almış, 1973-cü ildə dünyasını dəyişənədək ömrünün son 12 ilini bu evdə keçirmişdi. Üç hektarlıq sahədə yerləşən evdə 15 yataq otağı var.