İranın nüvə proqramı üzrə sazişin iştirakçı dövlətləri arasında danışıqlar iyulun 6-da Vyanada keçiriləcək. Trend-in məlumatına görə, bu barədə diplomatik mənbəyə istinadən Avstriya KİV-ləri məlumat yayıb.

Qeyd edək ki, görüşə “altılığ”ın xarici işlər nazirlərinin qatılması gözlənilir. Rusiya XİN rəhbərinin görüşdə iştirakı barədə hələ məlumat verilməyib.

Xatırladaq ki, mayın 8-də ABŞ prezidenti Donald Tramp Vaşinqtonun Tehranla nüvə razılaşmasını tərk etdiyi barədə bəyan edib.