Ukraynada hərbi əməliyyatlar başlayandan indiyədək Rusiya Silahlı Qüvvələrinin 257 470 hərbçisi məhv edilib.

Bu barədə Ukrayna Silahlı Qüvvələrinin Baş Qərargahı məlumat yayıb.

Qeyd olunub ki, Sutka ərzində Rusiyanın 460 hərbçisi zərərsizləşdirilib.

Bundan başqa, Rusiyanın digər döyüş itkiləri 4 346 tank, 8 435 zirehli maşın, 5 245 artilleriya sistemi, 714 RYAS (reaktiv yaylım atəşi sistemi), 489 hava hücumundan müdafiə sistemi, 315 təyyarə, 316 helikopter, 4 304 operativ-taktiki PUA, 1 404 qanadlı raket, 18 gəmi/qayıq, 7 680 avtomobil və tanker, 790 xüsusi texnikadan ibarətdir.

Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.