ABŞ prezidenti Co Bayden İsrailin baş naziri Benyamin Netanyahu ilə telefon danışığı zamanı ondan girovlarla bağlı danışıqlara dair yalan danışmağı dayandırmasını tələb edib.

Musavat.com xəbər verir ki, bu barədə İsrailin "Kanal 12" telekanalı məlumat yayıb.

Netanyahuya qəzəblənən Bayden İsrailin baş nazirindən HƏMAS ilə razılaşma və atəşkəs barədə verdiyi sözə əməl etməyi tələb edib. Kanal bildirir ki, Netanyahu ABŞ liderinə deyib ki, İsrail danışıqlarda irəliləyiş əldə edir.

Bayden isə ona "cəfəngiyyat danışmağı dayandırın" deyərək qeyri-diplomatik cavab verib.

Ağ Ev bildirir ki, danışıqlar zamanı siyasətçilər Vaşinqtonun İsraili dəstəkləmək üçün "müdafiə xarakterli hərbi yerləşdirmə" imkanlarını müzakirə ediblər.