ABŞ Prezidenti Donald Tramp İsrailin strateji planlaşdırma naziri Ron Dermerlə Tehranın nüvə proqramını və Qəzza sektorundakı son vəziyyəti müzakirə edib.

Oxu.Az xəbər verir ki, bu barədə "Axios" portalı məlumat yayıb.

Xəbərin maraq kəsb edən tərəfi görüşün məxfi keçirilməsi olub. Mənbə yazıb ki, görüş Ağ Evdə baş tutub və bu barədə nə ABŞ, nə də İsrail tərəfi məlumat yayıb.

Qeyd olunur ki, təmaslar Tehranın nüvə proqramı üzrə ABŞ-İran danışıqlarının dördüncü raundundan öncə və D.Trampın 12-16 may tarixlərində Yaxın Şərq səfəri ərəfəsində keçirilməsi təsadüfi deyil.