"Böyük Britaniya artıq Ukraynaya Rusiya ərazisinə zərbələr endirməkdə yardım göstərir".

Oxu.Az xəbər verir ki, bu barədə "Financial Times" öz mənbələrinə istinadla yazıb.

Nəşrin məlumatına görə, Vaşinqton da NATO müttəfiqlərini Ukraynaya kəşfiyyat dəstəyi göstərməyi genişləndirməyə çağırır.

Qeyd edək ki, daha əvvəl "The Wall Street Journal" da oxşar məlumat yaymışdı. Bildirilirdi ki, ABŞ Ukraynaya Rusiya ərazisinin dərinliklərinə zərbələr endirmək üçün lazım olan kəşfiyyat məlumatlarını təqdim etməyə hazırdır. Potensial hədəflər sırasında enerji infrastrukturu obyektləri ola bilər.

Moskva isə belə obyektlərə hücumlara cavab verməyə hazır olduğunu açıqlayıb.