Gün yarı olmayıb. Buna baxmayaraq, Rusiya bu günün koronavirus statistikasını açıqlayıb.
 
Ovqat.com Ümumdünya Səhiyyə Təşkilatına istinadən xəbər verir ki, bugünkü statistikada da yoluxanların sayı 10 mini keçib – 10.559 nəfər.
 
Koronavirusdan ölənlərin sayı isə 86 olub.
 
Beləliklə indiyədək koronavirusa yoluxan rusiyalıların sayı 165 min 929-a, ölənlərin sayı isə 1537-yə yüksəlib.
 
Qeyd edək ki, Rusiyada 4 gündür koronavirusa yoluxduğu aşkarlananların sayı 10 mini keçir.

• 3 may - 10,633
• 4 may - 10,581
• 5 may - 10,102 
• 6 may - 10,559

Nəzərə alsaq ki, Rusiya prezidenti Vladimir Putin mayın 2-də qubernatorlarla keçirdiyi videoformatlı görüşündə onlara koronavirusa yoluxanların statistikasını düzgün aparmağı tapşırmışdı, bir gün sonra yaşanan bu artışların əsl səbəbi aydınlaşır. Belə məlum olur ki, hər şeydə bizə nümunə olan şimal qonşumuzda koronavirusa yoluxmalar da siyasi sifarişlə baş verir. 
 
Maraqlıdır ki, Rusiyada yoluxma sayı yüksək olduğu halda, ölüm saylarında xeyli aşağı göstəricilər qeydə alınır: hər gün 80-100 arasında. Görünür, bunun üçün də qubernatorlar Putindən göstəriş gözləyirlər. O “öl” deməsə, koronavirus xəstələrinin ağzı nədir ölə?!