Ermənistan parlamenti "Ermənistanın Avropa İttifaqına daxil olması prosesinin başlaması haqqında" qanun layihəsini birinci oxunuşda qəbul edib.

Oxu.Az Ermənistan KİV-ə istinadla xəbər verir ki, 63 deputat sənədin lehinə, yeddi deputat isə əleyhinə səs verib.

Parlamentin müxalif "Hayestan" fraksiyası səsvermədə iştirak etməyəcəyini bəyan edib, deputatların sayı baxımından ikinci müxalif fraksiya olan "Şərəfim var" qanun layihəsinin əleyhinə səs verib.

Qeyd edək ki, qanun layihəsini ötən gün təşəbbüsün müəlliflərindən biri - keçmiş ədliyyə naziri, "Respublika" partiyasının Siyasi Şurasının üzvü Artak Zeynalyan təqdim edib.