Hurriyyet.org xəbər verir ki, ABŞ-ın Moskvadakı səfirliyinin mətbuat katibi Rebekka Ross “TASS” informasiya agentliyinin müxbirinin sualına cavab verərkən, Rusiyanın persona non qrata elan elədiyi 10 nəfər amerikalı diplomatının siyahısında öz adının da olduğu barəsində məlumatı təsdiqləyib.

Rusiyanın siyahısı Vaşinqtonun analoji addımlarına cavab olaraq tərtib edilib.

Aprelin 15-də ABŞ Prezidenti Cozef Bayden Rusiyaya qarşı növbəti sanksiyaların tətbiq edilməsi barədə sərəncam imzalayıb.  Qərarda Vaşinqtondakı Rusiya səfirliyinin 10 nəfər diplomatının ölkədən qovulması nəzərdə tutulur. Həmin şəxslər “Rusiya kəşfiyyat xidmətlərinin nümayəndələri”  adlandırılıb. ABŞ rus diplomatlarına 21 may tarixinə qədər möhlət verib.