Yaponiya Hava Özünümüdafiə Qüvvələri və ABŞ Hərbi Hava Qüvvələrinin pilotları döyüş təyyarələrinin iştirakı ilə birgə təlim keçirib.

“Report” xəbər verir ki, bu barədə Yaponiya Hava Özünümüdafiə Qüvvələri tviter səhifəsində paylaşım edib.

Bildirilib ki, hərbi təlimlərdə Yaponiyanın 3 “F-15” qırıcısı, ABŞ-ın isə 4 “F-16” qırıcısı iştirak edib. Təlimlərin məqsədi Yaponiya-ABŞ alyansının qabaqlayıcı potensialını artırmaq olub.

“Kyodo” xəbər agentliyinin məlumatına əsasən, bu təlimlər Tokio və Vaşinqtonun Şimali Koreyanın raket buraxılışına reaksiyası olub.