Ukrayna Prezidenti Volodimir Zelenski Rusiya lideri Vladimir Putinə xəbərdarlıq edib.

Musavat.com xəbər verir ki, Zelenski atəşkəsin imzalanmadığı təqdirdə Rusiya xalqının Qərbin sanksiyalarının təsirini dərindən hiss edəcəyini bildirib.

Ukrayna lideri qeyd edib ki, xüsusilə enerji və bank sektoruna yönəlmiş sanksiyalar yaxın illərdə Rusiya iqtisadiyyatını sarsıdacaq: “Bu, Putinin 2026-cı il zərbəsi olacaq. O, bunu şəxsən hiss edəcək”.

Zelenskinin sözlərinə görə, Putin hərbi səfərbərlik elan etməyə hazır deyil, lakin Şimali Koreya Rusiya ordusuna daha çox əsgər göndərməyə razılıq verib. Bu vəziyyətdə isə sanksiyaların təsiri daha da kritik olacaq və Rusiya daxilində böhrana səbəb ola bilər.