Türkiyə Prezidenti Rəcəb Tayyib Ərdoğanın ukraynalı həmkarı Volodimir Zelenski ilə Prezident iqamətgahında baş tutan görüşü başa çatıb. Görüş üç saat davam edib.

Bu barədə Oxu.Az Haber Global-a istinadən xəbər verir.

Məlumata görə, Ərdoğan Zelenskini iqamətgahın girişində qarşılayıb. Ərdoğan və Zelenski Türkiyə və Ukrayna bayraqları qarşısında pilləkəndə şəkil çəkdiriblər.

Mətbuata qapalı keçirilən danışıqlarda Türkiyənin milli müdafiə naziri Yaşar Güler, Milli Kəşfiyyat Təşkilatının direktoru İbrahim Kalın və prezidentin xarici siyasət və təhlükəsizlik üzrə baş müşaviri Akif Çağatay Kılıç da iştirak ediblər.

Ərdoğan və Zelenski arasında baş tutan ikitərəfli görüşdən sonra heyətlərarası iş yeməyi başlayıb.