Suriyanın Deyrizor rayonunda döyüş zamanı 4 rus əsgəri öldürülüb.

Ovqat.com xəbər verir ki, məlumatı Rusiya Müdafiə Nazirliyi də təsdiqləyib.

Nazirliyin yaydığı məlumata görə, terrorçulardan ibarət bir neçə mobil qrup Deyrizor bölgəsində yerləşən Suriya hökumət qüvvələrinə məxsus artilleriya batareyalarına hücum edib:

“Açılan atəş nəticəsində bölgədə hərbi müşahidəçi kimi xidmət edən 2 rus əsgəri hadisə yerindəcə həyatını itirib. Digər iki əsgərimiz isə yaralı olaraq aparıldıqları xəstəxanada vəfat edib. Təcavüzkar terrorçuların atəşinə Suriya və Rus əsgərləri cavab veriblər. Bir saata yaxın davam edən atışmada 43 silahlı zərərsizləşdirilib".